کور پانه / ادب / روغتیا / بهي او ګټې یې، د سرطان مخنیوی هم کوي

بهي او ګټې یې، د سرطان مخنیوی هم کوي

بهي هغه مېوه ده چې د مني په وروستیو کې پخېږي؛ که مو خام بهي خوړلي وي نو زړو یا دانو ته به مو یې هرو مرو پام کړی وي چې په یو ډول سرېښناکو موادو (Tannin) پوښل شوې وي؛ کله چې بهي وخوړل شي د تانين په نوم دغه مواد له لویو کولمو سره سرېښېږي، د کولمو مخاطي غشا د التهاب پر وړاندې قوي کوي او له سرطان څخه یې ژغوري.

که بهي خام وخوړل شي او یا هم واېشول شي، دواړه یې د ستړیا په له منځه وړلو کې ګټور تمامېږي.

د هغو کسانو لپاره چې پر زکام اخته وي او یا هم ټوخی ولري په اوبو کې اېشېدلي بهي ښه دوا ده.

په بهي کې په ډېره اندازه معدني مواد لکه مس، اوسپنه، پوتاشیم، کلیسم او مګنيزیم شتون لري.

دا چې بهي په خپل ترکیب کې انټي اکسیډان لري، نو د هر ډول سرطان مخه نیسي.

بهي له غوړو خالي مېوه هم بلل کېږي؛ په بهي کې د غوړو اندازه په صفر کې ضرب ده، نو هغو کسانو ته چې د وینې غوړ لري د بهي د خوړلو ځانګړې سپارښتنه کېږي.

. موسی وياند

ژورنالیست، لیکوال، ټولنیز فغال او ګرافیک ډېزاینر

دا هم ولولئ

دغه کسان دې پیاز نه خوري!

که څه هم پیاز د زړه ناروغیو په مخنیوي کې بنسټېز رول لري خو د …