کور پانه / ادب / روغتیا / هغه کړنې چې مغز ژر زړوي

هغه کړنې چې مغز ژر زړوي

لوړې کالورۍ لرونکی خوراکي رژیم

څېړنو ښودلې چې غوړ، خواږه او پېک شوي خواړه د وخت په تېرېدو سره د مغز د زړښت لامل کېږي. په ټاکلې اندازه خواږه د مغز لپاره ګټور دي، خو که زیات شي بیا د ګټې پر ځای تاوان رسوي، چې روغتیاپالان الزایمر ته د شکرې ناروغۍ درېیمه نمونه هم وایي.

په ګڼه ګوڼه او ککړه هوا کې ژوند

ککړه هوا د ژر زړښت اصلي لامل بلل کېږي. څېړنو ښودلې چې ککړه هوا د وینې د مکروبي کېدو لامل کېږي او دغه چاره مغزي سکتې ته لاره هواروي. پر دې سربېره، ککړه هوا د وخت په تېرېدو سره د مغز حجم کموي او دغه څه د مغز د زړښت اصلي نښه بلل کېدای شي.

سټرېس

له سټرېس څخه ډک ژوند پر مغز منفي اثر کوي. سټرېس مغزي سلولونه له وخت مخکې زړوي. پر دې سربېره هغه هورمونونه، چې د سټرېس په پایله کې ترشح کېږي مغز ته زیان رسوي.

بې خوبي اوکم خوبي

کم خوبي او بې خوبي د وخت په تېرېدو سره د مغز حجم کموي او د الزایمر ناروغۍ ته لاره هواروي. خوب د مغزي سلولونو د جوړېدو لپاره تر ټولو ښه پړاو دی.

ډېر ځای پر ځای کېناستل

لږ ګرځېدل او ډېر کېناستل د زړه د ناروغیو، شکرې، سرطان او ژر مړینې لامل کېږي. پر دې سر بېره ډېر ځای پر ځای کېناستل د مغز هغه برخې چې له حافظې سره تړلې وي منقبضې کوي او د مغز د فعالیت مخه ډب کوي

. موسی وياند

دا هم ولولئ

څنګه ذهنې ځواک رامېنځته کړو؟ ۳ اړینې تګلارې

د ذهني پیاوړتیا وده شعوري هڅه ده او ورځنې تمرین ته اړتیا لري. دلته د …